【本報訊】莎莎（178）主席郭少明幼子郭浩泉，夥拍富二代創辦房地產基金麒豐資本，成立8個月已連掃兩個工廈項目，總投資額約40億元，負責籌錢的他，獲父親郭少明注資以億元計，另外還包括傅老榕家族、「保齡球大王」楊氏家族、永利地產（864）等，現在目標是再投資50億元資產項目，但覺得住宅市場已見頂，工廈仍有水位賺。

今年6月才過26歲生日的郭浩泉，從英國倫敦瑪麗王后大學修畢商業管理後回港，先後到物業顧問第一太平及豐泰地產工作，離開豐泰後接手家族地產業務，其中一個是銅鑼灣銀座式商廈V Point，「搞V point識咗Albert（馮康）同Wang（謝耀陞），跟住覺得大家都鍾意地產又啱傾，就搞咗間公司。」

今年2月郭氏夥泛海（129）主席馮兆滔兒子馮康、家族於泰國從事地產的謝耀陞及宏基資本（2288）前副總裁洪英偉創辦麒豐資本，其中謝耀陞稱家族在泰國從事地產，亦投資本港物業市場，十多年前21歲時就幫屋企人在香港買舖。郭就認為：「自己一個家族做，資金唔係好誇張，唔可以好似新地咁，但如果籌埋其他人嘅錢、力量同idea，咁個地產項目好好多！」

自立基金，負責籌錢，成功必須靠父幹，郭坦言有向父親郭少明籌錢：「但佢無即刻應承……sell佢唔到……」惟有靠拍檔帶郭少明實地視察，「佢鍾意呢個項目（觀塘榮興利工廈），因為真是好近前九巴車廠，咁近新地大型嘅project，都ok啦！」當時有份落嘴頭的拍檔洪英偉補充：「呢個項目每呎地價先五千零蚊，郭生都好醒㗎嘛！」結果第一擊就以約6億元購入觀塘榮興利工廈，該項目還游說了「保齡球大王」楊氏家族、永利地產等投資者注資，將會補地價重建為商廈。

記者：陳家雄